පහුගිය දවස්වල ඩොමේන් අලුත් අවුරුදු සේල් නිසා අපේ බ්ලොග් ලියන්නන් වැඩිදෙනෙක් අලුත් ඩොමේන් අරගෙන තිබුණා. (කොහෙද, මට තිබිච්ච හදිස්සියට ඔය චාන්ස් වදින්න කලින් නේ මම මේක ගත්තේ)

තමන්ගේම ඩොමේනයක් බ්ලොග් එකක් ඇරඹීමේදී වැඩිදෙනෙක්ගේ සිහියට එන්නේ වර්ඩ්ප්‍රෙස්. නමුත් වර්ඩ්ප්‍රෙස් ස්ථාපනය කරගන්න හොස්ටිං ස්පේස් එකක්, එහෙමත් නැත්තම් වෙබ් සර්වරයක ඉඩකඩක් අවශ්‍යයි. මෙන්න මේක මිලදීගන්න තමයි ඩොමේන් එකක් ගන්නවාට වඩා වැඩි මුදලක් යන්නේ. ඒ වගේම වර්ඩ්ප්‍රෙස් වැඩිය අල්ලන්නෙ නැති, බ්ලොගර් සරණං ගච්ඡාමි කට්ටිය (මේ මං වගේ) කොහොමද තමන්ගේ බ්ලොග් එක තමන්ගේ ඩොමේන් එකක පවත්වාගෙන යන්නේ? ඔව්. ඒ වැඩෙත් කරන්න පුලුවන්. හොස්ටිං සඳහා සත පහක වියදමක් නැතුව. (ඒක බ්ලොගර් බලාගනී) මමත් මේ බ්ලොග් එක කරන්නෙ ඒ විදියට. මොකද මට හොස්ටිං වලට ගෙවන්න සල්ලි නෑ.

මේ වැඩේ කරන්න මුලින්ම යන්න බ්ලොගර් ඩෑෂ්බෝඩ් එකෙන් තමන්ගෙ බ්ලොග් එකේ Settings වලටත් එතනින් Publishing ටැබ් එකටත්.

මෙතන තියෙන Switch to: Custom Domain ඔප්ෂන් එක වෙත යන්න.
මෙතනදි Google ඔබට අවස්ථාවක් ලබාදෙනවා ඔවුන්ගෙන් ඩොමේනයක් මිලදී ගන්න. අවුරුද්දකට ඩොලර් 10ක මුදලකට. ගාණ ටිකක් වැඩි උනත් මෙතන තියෙන වාසිය තමයි මෙතනින් ඉදිරියට කරන්නට ඇති settings සියල්ල ඔවුන් විසින් සිදුකර දීමත්, ඩොමේනයට Google Apps account එකක්ද සාදා දීමත්.

ඔබ දැනටමත් ඩොමේන් එක අරගෙන නම්, Already own a domain? Switch to advanced settings වෙත යන්න.

දැන් කල්පනා කරන්න ඔබ බ්ලොග් එකට යොදන සබ්ඩොමේන් එක මොකක්ද කියලා. උදාහරණයක් විදියට මම මේ බ්ලොග් එකට යොදා තියෙන සබ්ඩොමේනය ‘blog’ එවිට එහි ලිපිනය blog.indranama.com . ඒ ආකාරයට ඔබ කැමති සබ්ඩොමේනයත් සමග අලුත් ලිපිනය Your Domain කියන තැන සටහන් කරන්න. (අපි හිතමු ඔබේ සබ්ඩොමේනයත් blog කියලා)

දැන් තියෙනවා තවත් වැඩක්. බ්‍රවුසරයේ තවත් ටැබ් එකක් ඇරගෙන ඔබේ ඩොමේනයේ කන්ට්‍රෝල් පැනලයේ DNS Controls වෙත යන්න. (Godaddy හි මෙය My Products > Domain Manager වෙතින් යා හැකියි. එබ මිලදී ගෙන ඇති ඩොමේන එහි පෙන්වනු ඇති. එයින් ඔබ බ්ලොග් එක පවත්වාගෙන යාමට අදහස් කරන ඩොමේනය මත ක්ලික් කරන්න. එවිට ලැබෙන ඩොමේනයේ විස්තර වල Total DNS Control and MX Records මත ක්ලික් කරන්න.) මෙහි ඇති CNAME කියලා තැනක්. පොඩ්ඩක් හොයලා බැලුවොත් ඒ කිට්ටුව ඇති New CNAME Record කියලා එකකුත්. අන්න ඒක ක්ලික් කරලා අලුත් CNAME රෙකෝඩ් එකක් හදන්න ගන්න. එහි ‍Host යන ස්ථානයට දිය යුත්තේ ඔබේ අර සබ්ඩොමේන් එක. එනම් මෙහිදී blog . ඊලඟට Points to: කියන තැනට ghs.google.com යනුවෙන් සටහන් කරන්න. TTL අගය 1 Hour ලෙස තියන්න. දැන් OK කරලා CNAME එක සෑදීම අවසන් කරන්න. (මෙය අප්ඩේට් වීමට ටික වේලාවක් යාවි)

දැන් ආපහු යන්න බ්ලොග් එකේ settings හදන ටැබ් එකට. දැනටමත් ඔබ එහි සබ්ඩොමේනය සමග අලුත් නම සටහන් කරලනේ තියෙන්නේ. දැන් යටින් තියෙන Word Verification එකත් ටයිප් කරලා OK කරලා වැඩේ ඉවරයක් කරන්න.

එච්චරයි. ටික වේලාවකින්ම ඔබේ අලුත් ලිපිනයෙන් (http://blog.yourname.com) බ්ලොගය වෙත යාමට හැකිවේවි. මෙහිදී පැරණි ලිපිනයෙන් එන පාඨකයන් ද අලුත් ලිපිනය වෙත redirect වීම වාසියක්. (ඔබට www.yourname.com ලිපිනයත් බ්ලොගය වෙතටම ගෙන යාම
ට අවශ්‍ය නම් නැවතත් ඩෑෂ්බෝඩයෙන් Settings > Publishing වෙත යන්න. එතැන ඇති Redirect yourname.com to blog.yourname.com යනුවෙන් චෙක්බොක්ස් එකක්. ඒක ටික් කරලා OK කරන්න.)

මේ ආකාරයෙන් CNAME රෙකෝඩ් සාදමින් ඔබට බ්ලොග්ස් ඕනෑ තරම් ඔබේ ඩොමේනයට දාගන්න පුලුවන්, හොස්ටිං සඳහා සත පහක වියදමක් නැතුව. හොඳයි නේද වැඩේ?